यावर्षी (ऑक्टोबर-२००८) मी दिवाळीला रिसोडला गेलो असताना अमरदासबाबांच्या मंदिरा जवळील उद्यान बघण्याचा योग आला. ते खरेच अत्यंत चांगले उद्यान आहे. मुलांना खेळणे बागडणे यासाठी भरपूर जागा तेथे आहे. मुलं-मुली तेथे मनसोक्तपणे बागडत होती. बघून खूप बरे वाटले. सवलतीच्या दरात तिकीट विक्री असते (रुपये दोन पेक्षा जास्त नाही). तेथे खेळणाऱ्या बागडणाऱ्या मुलांना सहजच म्हणून त्यांची नावे विचारली तर अमन, राधा, राजू, सायरा व मुकद्दर अशी त्यांची नावे ऐकून खूपच आनंद झाला. सोबत कॅम होताच. काही छायाचित्रे घेतली. एका छायाचित्रात त्या उद्यानातून श्री. सातारकर बाबा आश्रमातील देऊळ दिसते आहे. छायाचित्रे संध्याकाळी घेतली आहेत. म्हणून थोडी अंधुक आली आहेत...... रिसोडकर
No comments:
Post a Comment