रिसोड कट्टा Risod करांचा

जगात सर्वदूर पसरलेल्या रिसोड वासीयांना त्यांच्या आवडत्या रिसोड या ठिकाणाच्या वेगळ्या,अविश्वसनीय, पारंपारीक, ऐकीव, महत्वाच्या, अती महत्वाच्या, चर्चेचा विषय असलेल्या व अशा अनेक गोष्टी पोहचवण्यासाठी हा एक प्रयत्न आहे. "रिसोड" ही वेगळ्याप्रकारे जगणाऱ्या लोकांची वस्ती आहे. जसे रिसोडला कोणाला काही नवीन करावयाचे असेल तर त्या नावात ऋषिवट हा शब्द हटकून असणारच.....

Tuesday, September 1, 2009

महात्मा फुले व्यायाम व क्रिडाप्रसारक संस्था, रिसोड यांची गणेश मुर्ती

1 comment:

raju said...: Hi,
i am praphul pandit (B.E Computer Engg).i like all information and share next time.M No-9970551170 pl z call me.; August 3, 2010 at 9:33 AM

रिसोडकर होण्यासाठी काही अटी

आयुष्यात एकदातरी चोरून पोहायला जाणे
• गल्लीतल्या अतिशय चिंचोळ्या जागेत जास्तीत जास्त वेळ क्रिकेट खेळण्यात घालवणे
• निदान एकदा तरी शाळेतून पळून जाण्याचा अनुभव गाठीशी असणे
• आपली शाळा सोडून इतर शाळा म्हणजे नुसता बाजार आहे असे समजणे
• कुठल्याही निमित्ताने का होईना लोकांना जेवू घालण्यासाठी कारणे शोधत असणे.
• तरुणपणी आपल्या गल्लीतल्या सर्व लोकांची व त्यांचे कामांची जवाबदारी आपल्या व गल्लीतल्या इतर समवयस्कांचे खांद्यावर आहे अशा आविर्भावात सर्वत्र वावरणे व अनुरूप विधाने करणे.
• मुलाने वडिलाशी कमीत कमी संभाषण करण्यातच धन्यता मानणे
• गुजरी चौकात एकदातरी गाडी उभी करून ट्रॅफिक जाम करण्याचे स्वप्न उराशी बाळगणे
• राजकारणावर हिरहिरीने गप्पा मारणे तथा कपड्यांसारखेच पक्ष निष्ठा आणि नेते बदलणे
• रिसोडला जो गाडी (दुचाकी व चार चाकी वाहन) चालवतो तो जगात कुठेही गाडी चालवू शकतो असे आपल्या पाहुण्यांना वारंवार ठासून सांगण्याची सवय असणे.
• कुणीही घर बांधले की याने पैसा खाल्ला अशी बोंब करणे
• नवी नोकरी लागताच एखाद्या महिन्यातच एक नवी कोरी बाइक विकत घेणे
• कधीही, कुठेही व केव्हाही भांडणाचे तयारीत असणे
• स्वतःचे शिक्षण संपल्यावर रिसोडच्या शिक्षकांना काहीच येत नाही व त्यामुळे आपले खूपच नुकसान झाले आहे अशा आशयाची विधाने करणे
• शहरात शिकायला जाऊन अखेरीस रिसोडलाच नोकरी किंवा व्यवसाय करणे, कारण बाहेर काहीच नाही, त्यापेक्षा इथेच जास्त कमाई आहे असे सांगणे.
• म्हातारपणी असे वारंवार विधान करणे की आमच्या काळात खूपच शिस्त होती व आताची पिढी म्हणजे , “येत कायी नायी आन पैसा खर्चायले पायजे.”
• विशेषतः शाळेत असताना व लग्नापूर्वी कुठल्या तरी आखाड्याशी किंवा तत्सम गटाशी निगडित असणे
• दर सहा महिन्यांनी एखाद्या नवीन साधू-महात्म्याच्या (!) मागे धावणे
• नोकरी/व्यवसायाचे कारणाने रिसोड सोडलेल्यांनी आपल्याला आता लवकरच येत्या काही वर्षात रिसोडला परत जावयाचे आहे असे आप्त स्वकीयांना सांगणे व मरे पर्यंत जायचे मात्र नाही असे करणे.
• रिसोडला हा कसाही जगो पण परगावी गेल्यावर शहरातील लोकांना आपण लहानपणी छोट्या गावातील आयुष्य आपण कसे “एन्जॉय” केले याची रसभरित वर्णने सांगणे
• कोणी कोणाची कशी फसवणूक केली व कोणाचा फायदा झाला यावर वारकाच्या दुकानात तासानं तास गप्पा मारणे
• संध्याकाळी पान/मट्रेल किंवा खर्रा खाऊन ’एखाद्या मोठ्या राजकीय नेत्याचे कसे चुकले अथवा त्याने काय करायला हवे होते’ हे चौकात चार चौघांना पटवण्याचा प्रयत्न करणे व त्यायोगे इतरांचे लक्ष वेधून घेणे
• आपले नोकरी/व्यसायाशिवाय इतर विषयातच अधिक लक्ष घालणे व आपणे फारच एक्सपर्टआहोतअसे भासवणे
• शत्रू असो की मित्र पण सुख-दुःखाचे प्रसंगी आवर्जून पाठीशी असणे
• सण/उत्सव/ साजरा करताना जात, पात, धर्म न बघता सर्वांना आपल्या आनंदात सहभागी करून घेणे.

सर्व रिसोडकरांना आवाहन

सर्व रिसोडकरांना आवाहन करण्यात येते की त्यांनी या ब्लॉग वर वेगवेगळी माहिती प्रसारित करण्यासाठी पुढाकार घ्यावा. या संकेतस्थळावर रिसोड संबंधीत अनेकप्रकारची माहिती उपलब्ध करून देण्याचा मानस आहे. ज्यांना अशी माहिती द्यावयाची आहे त्यांनी ती या ब्लॉगचे सदस्यत्व स्वीकारून देता येईल. माहिती पद्य, गद्य, स्फुट, अनुभव, कथा, संवाद, मुलाखत, प्रचलित कथा-दंतकथा अशा स्वरूपात देता येईल.

इच्छुकांनी मराठी टंकलेखनाबाबत मनात शंका आणण्याचे करण्याचे कारण नाही. कागदावर लिहून स्कॅन करून पाठवल्यास मराठी टंकलेखनाची व्यवस्था करण्यात येईल. इंग्रजी किंवा इतर भाषांतीललेखन सुद्धा येथे प्रसारित करण्यात येईल.

ऑर्कुट वरील "रिसोड कट्टा" ही कम्युनिटी सुद्धा या ब्लॉगशी संलग्न आहे. रिसोड कट्ट्य़ावरील सदस्यांनी तशी विनंती केल्यास त्यांना येथे थेट सदस्यत्व मिळू शकेल.

भविष्यात या ब्लॉग वर रिसोड येथील विविध स्थळे, चाली रिती, सण, प्रसिद्ध व्यक्तींची व्यक्तिचित्रे, ऐतिहासिक माहिती, महत्त्वच घटना, छायाचित्रे प्रसारित करण्याचा मानस आहे.

माहिती पाठवण्याचा पत्ता: contact.risodkar@gmail.com

रिसोड तालुक्या संबंधी महत्वाची माहिती

अंतर (वाशीम पासून)	३८ कि.मी.
लोकसंख्या	२७५१९ (२००१)
पुरूष	५२%
स्त्री	४८%
गावे	१००
भौगोलिक क्षेत्र	८६२ चौ. कि.मी.
शेती क्षेत्र	८३७०० हेक्टर्स.
मुख्य पिके	सोयाबीन, कापूस, तूर , ज्वारी, उडीद, मुग
जमिनधारकांची संख्या	३४९८१
सरासरी पाऊस	७९६ मिमि

रिसोड तालुक्यातील ग्राम पंचायतींची यादी

आगरवाडी, आंचळ, आसेगांव, बेलखेडा, भापूर, भर (जाहंगीर), बीबखेडा, बोरखेडी, चाकोली, चिखली, चिंचांबा पेन, चिंचांबा भर, दापूरी, देगांव, देऊळगावं (बु.), धोडप (बु.), धोडप (खु.), एकलासपूर, गणेशपूर, घोंसर, घोटा, गोभणी, गोहगांव, गौदळा, गोवर्धन, हराळ, हिवरा पेन, जांब, जवळा, जोगेश्वरी, काळगव्हाण, कंकरवाडी, करंजी, करडा, कवठा, केनवड, केशव नगर, खडकी सदर, किनखेड, कोयाळी (क), कोयाळी (बु.), कोयाळी (खु.), कुकसा, कुऱ्हा, लेहणी, लिंगाकोतवाल, लोणी (बु), लोणी (खु), महागांव, मांडवा, मांगुळझनक ,मांगवाडी, मसलापेन, मोहजाइंगोले, मोहजाबंदी, मोप, मोरगव्हाण, मोठेगांव, नंधाना, नावली, नेतन्सा ,निजामपूर, पळसखेड, पार्डीतीखे, पेनबोरी, पिंपरखेड, पिंपरीसरहद, रिठद, सवड, शेलगांव राजगुरे, शेलू खडसे ,व्याड, वाडी रायताळ, वाडजी, वाघी , वाकद, वनोजा, यवता, येवती.
संदर्भ:-ही माहीती राष्ट्रीय पंचायत सुची (डीरेक्ट्री) वरून घेतलेली आहे.

रिसोड पासून महत्वाच्या शहरांची अंतरे

अंतर (कि.मी.)
रिसोड - मुंबई	४२९ कि.मी.
रिसोड - दिल्ली	९६९ कि.मी.
रिसोड - बंगळुरु	७८१ कि.मी.
रिसोड - कोलकाता	१२३५ कि.मी.
रिसोड - चेन्नई	८५२ कि.मी.
रिसोड - अहमदाबाद	५५० कि.मी.
रिसोड - हैदराबाद	३३९ कि.मी.
रिसोड - पुणे	३४५ कि.मी.
रिसोड - सुरत	४२० कि.मी.
रिसोड - कानपूर	८१० कि.मी.
रिसोड - जयपूर	७७९ कि.मी.
रिसोड - लखनौ	८७४ कि.मी.
रिसोड - नागपूर	२७५ कि.मी.
रिसोड - इंदूर	३२१ कि.मी.
रिसोड - पाटणा	१०५९ कि.मी.
रिसोड - भोपाळ	३७३ कि.मी.
रिसोड - नवे पाटणा	१०५९ कि.मी.
रिसोड - लुधीयाना	१२२० कि.मी.
रिसोड - ठाणे	४०९ कि.मी.
रिसोड - आगरा	८१२ कि.मी.

एका कारणासाठी आपले रिसोड सुद्धा कुप्रसिध्द

नेटच्या महाजंजाळात संचार करत असतांना आपले रिसोड व आकोट या दोन शहरांचा उल्लेख अशा गोष्टींसाठी झालेला आढळला की मन वाचून सुन्न झाले. तसे पाहीले तर नेट वर रिसोड संबंधीत उल्लेख फ़ारच कमी असतात मात्र अशा गोष्टीं करीता उल्लेख निश्चीतच श्रेयसकर नाही.
उल्लेखाचे भाषांतर असे आहे: "विदर्भात अकोट व रिसोड या गांवी क्रिकेटमुळे जातीय कलहातून ९ जानेवारीला एकाचा भोसकून मृत्यू झाला तर सहा जखमी झाले आणि रिसोडला १५० दुकाने जाळण्यात आल्याने एक करोड रुपयांची हानी झाली. रिसोड हे संथ असे वाशीम जिल्ह्यातील गाव आहे. ही दोन्ही गावे जातीय संवेदनशील जिल्ह्यात आहेत आणि त्यात सर्व स्तरातील लोक आहेत."

ह्या उताऱ्याची लिंक: http://communalism.blogspot.com/2004_01_01_archive.html

वर दिलेल्या लिंक वर गेल्यास हा उतारा वरुन दुसऱ्या क्रमांकावरील लेखात खालील मथळ्यासह प्रकाशीत झाला आहे.
January 03, 2004
India: COMMUNAL RIOTS 2003
South Asia Citizens Wire | 03 January, 2004
COMMUNAL RIOTS 2003
Asghar Ali Engineer

रिसोड - प्रसिध्द धार्मीक स्थ्ळे

१००८ दिगंबर जैन मंदीर 1008 Digambar Jain Mandir
श्री गोरखनाथ (गोरक्षनाथ) Gorakshanaat Mandir
श्री अमरदास बाबा संस्थान Shri Amardas Baba Sansthan
श्री. सातारकर महाराज आश्रम Shri Satarkar Maharaj Aashram
श्री. आप्पास्वामी संस्थान Shri Appaswami Sansthan
श्री. गजानन महाराज मंदीर Shri Gajanan Maharaj Mandir
पिंगलाक्षी देवी मंदीर Pinglakshi Devi Mandir
आसरा माता भर Aasara Mata Bhar

रिसोड पासून जवळ असणारी पर्यटन व धार्मिक स्थळे

लोणार
सिंदखेड राजा
सोनाटी
वाशीम
औंढा नागनाथ
लोणी
मेहकर
नर्सी
येलदरी
माहूर
शेगाव

LONAR लोणार विषयी थोडे

रिसोड पासून साधारणपणे ३५ मैलावर मेहकर तालुक्यातील लोणार हे प्रसिद्ध गांव आहे. तहसील व मुख्यालयाचा बेरार प्रांतातील सर्वात जुन्या वसाहतींमध्ये समावेश होतो. ह्या भागातील परंपरेचा संबंध हिंदूंच्या त्रेता युगाशी जोडला जातो. स्कंध पुराणातील लवणासुराची गोष्ट असे सुचविते की तो राक्षस याच परिसरात राहून आजूबाजूच्या परिसरावर राज्य करीत असे. प्रत्यक्ष देवांशी सुद्धा दोन हात करण्याची त्याची तयारी होती. त्याचे मनसुबे लक्षात घेऊन देवांनी त्याचा नायनाट करण्याची विष्णूस विनवणी केली. विष्णूने दैत्यसुदनेचे रूप धारण कले व त्याच्या दोन बहिणींच्या आपल्या सौंदर्याने वश करून त्यांचेच साहाय्याने त्याचे स्थान शोधून काढले. अंगठ्याच्या स्पर्शाने विष्णूने त्या राक्षसाला जमिनीतून शोधून काढले. नंतर झालेल्या संघर्षातच त्याच्या राहत्या जागेतच विष्णूने त्याला त्याचे घर असलेल्या खड्ड्यातच पुरून टाकले. गावातील सरोवराच त्या राक्षसाची गुहा होती आणि दातेफळ या आग्नेयेकडे साधारणपणे ३६ मैलावर असणाऱ्या खेड्यापाशी असणारी शंकूसारखी टेकडी म्हणजे त्या गुहेचे टोक. हे टोक विष्णूने आपल्या पायाच्या अंगठ्याने उध्वस्त केले अशी मान्यता आहे. तीनही बाजूंनी टेकड्यांनी वेढलेल्या त्या सरोवरात आजूबाजूच्या परिसराचे अप्रतिम प्रतिबिंब दिसत असते. पाणी म्हणजे त्या राक्षसाचे रक्त व त्यातील मीठ (पाणी खारे आहे) म्हणजे त्याचे सडलेले मांस अशी मान्यता आहे. मात्र "लोणार महात्म" काही वेगळेच सांगते. ज्या सात ऋषींनी अठरा स्त्रियांशी विवाह करून देव व दैत्यांना जन्म दिला त्याचेपैकी एक असणाऱ्या काश्यप ऋषीच्या पत्नींपैकी एका पत्नीने जन्म दिलेला पाहिला राक्षस पुत्र म्हणजे लवणासुरा होय. तो पाहिला दैत्य होता. सध्याच्या लोणारच्या जागी असण्याऱ्या एका पर्वतावर लवणासुराने तप करून महादेवाला प्रसन्न केले. तपस्येने प्रसन्न झालेल्या महादेवाने लवणासुरा समोर प्रगट होऊन त्याचा इच्छीत वर मागण्यास सांगितले. जेव्हा लवणासुराने अमरत्वाचा वर शंकराकडे मागितला त्यावेळी तेहतीस कोटी देवांनी एका सुरात अशी वाणी केली की पाच वर्षाच्या एका बालकाकडून लवणासुराचा वध होईल. यानंतर शंकराने हिमालयात प्रस्थान केले व लवणासुराने तीनही लोक जिंकून घेऊन स्वतः इंद्राच्या सिंहासनावरून राज्य करू लागला. सरोवराकडे जाणाऱ्या रस्त्याच्या सुरुवातीलाच एक मोठा बारमाही झरा (किंवा धार)आहे. एका आख्यायिकेनुसार एका ऋषीने बनारसला गंगते एक काडी सोडून लोणारकडे प्रस्थान केले व वेळेत पोहचून लोणारच्या धारेतून ती काडी बाहेर पाडताना दाखवले. ही धार चहू बाजूने वेगवेगळ्या हेमाडपंथी देवळांनी वेढलेली असून. झऱ्याचे पाणी एका गोमुखातून त्याखाली असणाऱ्या एका कुंडात पडते. त्या कुंडात स्नान करण्यासाठी अनेक लोक येत असतात. सरोवरा भोवती अनेक देवळे आहेत व त्यातील बहुतेक अत्यंत पडक्या अवस्थेत आहेत.धारेच्या पूर्वेकडे मंदिराच्या समूहात एक नरसिंहाचे मंदिर आहे. या हेमाडपंथी मंदिराच्या भिंती व दारांवर मनुष्यांच्या व हत्तींच्या प्रतिमा कोरल्या आहेत. नरसिंहाचे मदिरा शेजारीच गणेशाचे सुद्धा एक मंदिर आहे. तेथे रेणुका मातेचे सुद्धा एक मंदिर आहे.

रिसोड कट्टा Risod करांचा

Tuesday, September 1, 2009

महात्मा फुले व्यायाम व क्रिडाप्रसारक संस्था, रिसोड यांची गणेश मुर्ती

1 comment:

Visitors Count

सकाळ विदर्भ आवृत्ती